M’laya Guv, Karnataka-ni media-ko Shillong-o rimchaksoa

Shillong, Feb 03: Meghalaya Governor CH Vijayashankar, Shillong-ni Lok Bhavan-o tom·e chanchirimaniko dakanio Karnataka-ni media-ko rimchaksoaha aro uamang baksa agangrikangaha.

Ia Karnataka-oni watatako man·gipa media-ni manderangni sokbaania, Press Data Bureau (PIB), Authorities of India-ni Meghalaya-ona Press Tour-ko ong·atani ong·a aro iako a·dokni dakbewal rikbewalrangko aro namroro silroroani ja·kurangko uamangni media-o nambate on·a person·a miksonganio re·baani ong·a.

Vijayashankar an·tangba Karnataka-ni Mysuru-oni ong·ani gimin uamang dingtangmancha kusi ong·e agangrikangaha aro orto gnanggipa koborrangko on·grikangaha.

Governor uamangni agangrikmitingo, Meghalaya a·dokni dingtangte·e nitoaniko aro daka rikanirangko jekai, me·chikko nokkromna donaniko, apalgipa dakbewalrangko aro jatska jatgipin baksa meli nangrimgrike songsalo janggi tangani bidingo aganaha.

Unbaksana, a·doko ge·a gamanio, tourism a·bao aro samtangtango donggiparangko simsake ripinge rakkianio dingtang dingtang dolrangni nangrime kam ka·ani gimin aro joltango tarigipa bosturangko tang·doatna nangchongmotengani gimin janapangaha.

Indake Governor, Karnataka-oni re·bagipa media-ni manderangko mande ra·pilskaani gita Meghalaya-o bikotgimin kildingchi dokgipa ba·ra Ryndia-ko uamangna on·angaha.

Ua Ryndia-ko dokna bikotgipa Ahimsa silk ba muga kildingni ni gamchatani gimin janapengon, samtangtango donggiparangko nosto ong·atgija muga jo·ongoniko maikai kildingko bikotachim, uarangni gimin talate on·angaha.

Iarangna agreba, a·doko mingsingako man·gipa Lakadong holdi-ni giminba ua talate on·angaha.

Indake Karnataka-oni sokbagipa media-ni manderangba, uamangko mande ra·e sokachaksoanina aro Meghalaya a·dokni dakbewalrangko aganahanina mitelpilskaangaha.

Na·simang iakoba nina man·gen: 

Na·simang iakoba poraina man·gen: Tura Medical Faculty-ko mikkang bilsioni a·bachengatgen

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub