Shillong, Feb 18: Budbar salo, Meghalaya sorkari, Meeting-o State Reservation Policy-ni Expert Committee-ni report-ko nianganiko dakaha, aro 1972 Job Reservation Policy (JRP) framework-ko rakkia baksana bang·a dingtang dingtang namdapatanirangko dakangaha.
Ia committee-ko bilsi sotbonga ong·gipa niamni kam ka·aniko nie nina, Meghalaya-o dingtang dingtang bak ra·enggipa dolrang baksa agangrikna, aro nangani gri namdapatanirangko janapna ine September 2023-o a·bachengataha. Uamang dingtang dingtang tribal dolrang, civil society organisation-rang, worker association-rang, skigiparang aro chatro-chatrirang baksa agangrikanirangko dake namdapatanirangko tariataha.
Uandake, reservation-ko mande bang·a bang·gijaniko pangchakna nangja indiba niam bidiko janapanirang jekai songsaro janggi tangani aro poraia-skiani sokdogijani, itihas-ni gita galchipako man·ani aro public service-rango mande chu·onggijanio pangchake dakna nanga ine committee parakataha. Una agreba, reservation-ko dakanio toromkode basena man·ja ineba uamang aganangaha.
Reservation-ni bidingo talatani: Badiaba jatrangni bang·a/bang·gijanio-mangmang pangchakede reservation-ko dakna man·jawa ine Committee parakataha. Uandake, reservation-ko rakkianio ka·mano janapatenggiparangkosan channaigen:
* Songsaro aro poraia-skianio ja·manchakani
* Itihaso galchipani ba sinjetaniko man·ani, aro
* Public service-rango chu·onga gita donggijani
Ian niam bidiko janapgiminrang baksa melia.
Torom-ko pangchake donani: Reservation-ko toromo pangchake dakjawa ine Committee talen janapaha. Toromko basegija, songsaro aro janggi tangani gadango ja·manchakani aro chu·onga gita chu·sokgimin manderang donggijaniko nigrikesa reservation-ko on·gen ine niam bidiko talataha.
Skie ra·chakram biaprango reservation-ko dakani: Skie ra·chakram biaprango reservation-ko on·ani bidingo Committee-ni janapgiminde dongja, indake ong·genchimoba a·dok sorkari iani bidingo jakgitele niangna man·gen aro nanggenchimode niam bidiko janapgiminrango pangchakeba dakna man·gen ine Committee janapangaha.
Poraia-skiani gadangko namdapatani: Committee, a·dok sorkariko, mongsongbate Garo Hills-ni a·jarango songsarni aro manderangni janggi tangani cholrangko namdapatna aro sorkarini kamrango nambate susana man·na gita dingtangmancha namdapatani kamrangko dakna didianiko on·angaha.
Cholgri-apgrigipa dolrang ba Economically Weaker Sections (EWS)
EWS-na, da·o dongenggipa reservation-ni ning·o ong·enggipa dolrango ong·gija dingtang dolosa ong·a inenba SC, SST, aro OBC dolrangna EWS-ni namgnirangko on·jawa ine Committee janapangaha.
Carry Ahead System
1972 Decision-ni ning·ao “carry ahead”-ko dakangkuna Committee ra·chakangaha. Unbaksana, iandake dakaniara kacharirangoni ra·chakaniko man·aha aro backlog ba biapko man·kugija senge dongenggiparangko gapatna dakchaknaba gnang ine je mikkangchi ra·angna nangenggipa somoiko bilsi sa-oni bilsi gittamona ra·angchina ine committee janapangaha.
Quota-ni ning·ao Quota
Punjab a·dok vs. Davinder Singh-o Supreme Court docket-ni rai-ko on·aniko dakon, chu·onge aro story data-o pangchake reservation dolrangni ning·aon sualtaiani ba gadangrangko on·na man·gen ine Committee aganangaha. A·dok sorkari iani bidingo chu·onge data-rangko chimonge rai-rangko ra·china ge·etaniko on·angaha.
Creamy Layer-ko janapani
A·dok sorkari, reservation dolrangni ning·ao cholgri-apgribatgipa dolrangna reservation-ni namgnirangko sokatna man·na gita “Creamy layer”-ko dakchina Committee janapaniko dakangaha.
Individuals with Disabilities-na reservation-ko on·ani
Rights of Individuals with Disabilities Act, 2016 aro Meghalaya sorkarini on·gipa nanggipa Workplace Memorandum-rango kraa gitan niamrang donga ine Committee-ni manderang nikaha. Uandake, uamang iani bidingo mamung janapanirangko dakdapjaha.
A·jani kamrango joltangni jatrangko mikpakma niani
District-level Class C aro D-ni kamrangna a·jatango songdonggipa manderangna chol on·chenganiko janapenba, iandakgipa dakbewalara songoni jillarangona manderangni apjitani aro re·rorona man·aniko niatgenchimode ia dakbewalara dakna ama ong·ja ine Committee parakataha. Da·o dongenggipa niamrang iarangni bidingo chu·onga gitan janapanirang donga ine talataha.
1972 Decision-ko niatani
12.02.1972-o on·gipa Decision namgipa aro chalaina man·gipa niam ong·a aro uko bilsi 50-na baten ra·gatengaha ine Committee janapangaha.
Reservation Roster-ko raken rakkiani
Kamo rakkianio apsangrik ong·ani, niamko ja·rikani aro kamko title ka·aniko rakkina gita reservation roster-ko bilake aro parake ra·gatna nanga ine Committee bilaken parakatangaha.
1972 Policy-ko rakkiani
Pilak nanggipa dolrangni chanchianirangko niani ja·mano, 1972 Reservation Policy-ko uni da·o ong·enggipa gitan donna nanga ine Committee janapangaha. Bang·bata bakrimenggipa dolrangan da·o dongenggipa niamrangko ja·rikangkuna aro uko dingtangatna nangani mamung a·sel ong·ja ine aganangaha.
Ia report-o backlog-ranggna “carry ahead”-ko dakchina aganangaha, aro carry forward-ko bilsi sa-oni bilsi gittamona bariatchinaba janapangaha.
Reservation man·gimin dolrangni ning·ao sub-classification-ko dakani bidingo, “quota-ni ning·o quota”-ko data-ko chimonge nigrikchenge, niamni ning·o dakna man·a ine committee aganangenba, data-ko namedake chimongchengesa rai-rangko ra·china sorkarina ku·pattianiko on·aha.
Mongsonggipa janapgiminrangoni, karangko rakkiani mikkang niteaniko dakjana gita reservation roster system-ko namedake aro parak ong·e ra·gatchina committee janapangaha. Una agreba, reservation-ni ning·o ong·hipa dolrangni gisepo galchipako man·batgiparangnaba namgnirangko on·na gita “Creamy layer” principle-ko dakchina sorkarina janapaniko dakaha.
Una agreba, poraia-skiani gadangrangko, mongsongbate Garo Hills-ni a·jarango namdapate, ru·uta bilsirangna songsarni aro manderangni janggi tangani gadangrangko namdapatna aro sorkarini chakrirango nambata gadango susana man·na gita ja·ku de·china ge·etaniko on·aha. Uandake, Economically Weaker Part-rangni (EWS) namgnirangko SC, ST aro OBC dolrangnaba on·jachina, maina EWS-de niamni ning·o dingtang dol ong·a ine aganangaha.
Bakrimenggipa dolrangni chanchianirangko niani ja·mano, reservation niamko dingtangatna dingtangmancha sinjetanirang dongja inenba, kamrangko nambatata baksana 1972 framework-ko rakkiangkuna gitaba Committee bon·kame janapaniko dakangaha.
Na·simang iakoba nina man·gen:
Na·simang iakoba poraina man·gen: ‘OBC’ ning·o Muslim jatko man·chapatchina mol·molaniko Reservation Expert Committee ra·chakja
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Source link
#Expert #Committee #Job #Reservation #Policy #1972ni #bidingo #adita #gital #kupattianirangko #dakanga
