Skotong Minister, FOCUS+ aro Green Meghalaya Cheque-rangko Ampati-o suale on·a

Ampati, March 7: Meghalaya-ni Skotong Minister Conrad Okay. Sangma, South West Garo Hills District Administration-ni Ampati-ni Pupil’s Area-o ong·atgipa  FOCUS+ aro Green Meghalaya+ cheque distribution program-o dongpae bak ra·angpaaha.

2022 bilsini July jao a·bachengatgipa FOCUS+ scheme-ni ning·o bilsiantin man·a kragipa nokdangrangna uamangni janggi tanganina dakchakani gita nokdangprakna gong 5,000-ko on·enga ine Conrad Okay. Sangma u·iatangaha. Da·o dipet, Meghalaya a·doko lakh 1.04 nokdangrangna gong kror 148.08 tangkarangko on·manaha. South Garo Hills-o ge 14,017 nokdangrangko man·chape, ia phase-o Garo Hills-ni ge 81,046 nokdangrang iani namgnirangko man·anggen.

At a programme in Ampati, South West Garo Hills District, I joined farmer producer teams and neighborhood nature conservators handy over cheques to beneficiaries underneath the farmers’ welfare scheme FOCUS+ and GREEN Meghalaya.

The help recognises the efforts of our farmers and… pic.twitter.com/jSvLu9JfEI

— Conrad Okay Sangma (@SangmaConrad) March 7, 2026

Green Meghalaya+ scheme, buring bolgrimrangni nokgiparangko hectare prako 10,000-oni 20,000-ko on·e buring bolgrimrangko naljoke rakkina didianiko on·enga ine ua aganangaha. Da·o dipet, sak 2,800 beneficiary-rang a·doko 40,000 hectare a·arangko ripinge rakkina gita dakchakaniko on·angaha.

Rangsakona-ni MLA Subir M. Marak, a·dok sorkari dingtang dingtang scheme-rang jekai FOCUS+ aro Green Meghalaya+ scheme-rangchi manderangna dakchakaniko on·anggen ine aganangaha. Deputy Commissioner Anendya Raajshre, ia program-ko ong·atna dakchakaniko on·ahanina songni dilgiparang aro dakchake on·giparangko mitelataha.

Ian Bonkam Okay. Sangma, Sanjay A. Sangma, Linekar Okay. Sangma, Stevie M. Marak aro Raymond Z. D. Shira-ko man·chape official-rangba ia program-o dongpae bak ra·angpaaha. Ia tom·bimonganiko ong·atanio seoka man·gipa manderangna cheque-rangko suale on·angaha.

Na·simang iakoba nina man·gen: 

Na·simang iakoba poraina man·gen: Miss Universe Meghalaya 2026-ni regional audition-ko skanggipa changna Tura-o ong·ata

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub