Ampati, Mar 14: Dingtang dingtang jatrangni daka rikani aro chrok mesaanirangko mesokna gita Sukrobar salo, North East Zone Cultural Centre (NEZCC), Meghalaya sorkarini Arts & Tradition division baksa nangrime Border Space Program-ko South West Garo Hills a•jani Nogorpara songo donggipa Katta Beel-o ong•atangaha.
Ia program-ko ong•ataniara Meghalaya, Chhattisgarh, Nagaland aro Assam a•dokrango donggipa dingtang dingtang jatrangni daka rikani aro chrokanirangko mesokna chol ong•aha aro ia program-ko ong•atanio, India aro Bangladesh a•songni simarango donggipa dingtang dingtang jatrang aro Nogorpara songni wilwilao donggipa manderangba bak ra•angtokaha.
Ia Border Space Program-ko ong•atanio A•chikrangni Wangala chrokni, Kochrangni Hoko chrokani, Assam-ni Bihu, Chhattisgarh a•dokni Ditong Endana ba Gedi chrokani aro Nagaland a•dokni Sumi Nagarangni chrokanirangkoba nikangna man•aha.
Ia Border Space Program-ara, dingtang dingtang jatrangni daka rikani aro chrokanirangko mesokna gita ‘Bharat Ko Jano’ ba ‘India a•songni gimin ma•sie ra•bo’ ingipa program-ni bak gita ong•atanggipa program ong•a.
Na·simang ia video-koba nina man·gen:
Na·simang iakoba poraina man·gen: Tura-o Holi-ko kusi ong•e manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Source link
#SWGHo #dingtang #dingtang #jatrangni #chrokaniko #mesokanga
