B’desh-ni saksku manderang, konta 75 batpile ‘No Man’s Land’-o jachange dongkuenga

Guwahati, Jun 17: Bangladesh a•songni me•chik sakgni aro bi•sa sakgniko man•chape gimik saksku manderangko, Bangladesh a•songchipakni Border Guard Bangladesh (BGB), napna on•jaengani a•sel konta 75 batpile, India aro Bangladesh a•songni simao donggipa ‘No-Man’s Land’ ba a•tune damgnini ning•o ong•gijagipa biapo jachange dongna nangtokkuenga.

Koborko on•ani gitade, ia saksku manderangko re•anggipa June 14 tarik pringni 5:00 bajimango, BGB-ni sipairang, a•songtango napna on•gija a•rikgalataha aro untalan ia saksku manderang, an•tangtangko Bangladesh-ni manderang ine nanggipa lekkarangko BGB-na mesokahaoba, ‘No-Man’s Land’-o jachange dongna nangtokenga.

Ia saksku manderang, konta 75 batpile, ia biapon mikka aro sal chake, plastic-rangchisa nokking pine, bangbanggipa biapo dongna nangtokenga aro iani a•selan ia manderang, mongsongbate me•chik aro bi•sarang, neng•nikanirangko chagrongna nangtokenga.

Ia saksku manderang, mongsongbate me•chik aro bi•sarang, konta 75 batpile, ia biapo duk chake dongna nangtokengani gimin India aro Bangladesh a•tune damgnini gisepo agangrikenba, ia manderangko a•songtango rimnapna cholrangko sandichina bang•a manderangan didiattokaha.

Indake ong•engon, Mongolbar salo rim•srukanga man•gipa India a•songni mande saksako Mongolbar walo, Bangladesh sorkarini official-rang, India sorkarini official-rangna pakwate on•ataha ineba kobor on•aha.

Ia mandeara, Assam a•doko donggipa Cachar a•jani saksa Ranjit Das minggipa mande ong•achim aro ia mandeko Budbar salo, Bangladesh a•songni dolsa manderang, a•tune damgnini simaoniko rim•srukangahachim ine kobor on•aha.

Ia mande, Mongolbar pringo samsi akna simaona re•angaonin gimaengachim ineba kobor on•timgiparang u•iataha

Na·simang iakoba nina man·gen: 

Na·simang iakoba poraina man·gen: Boko jolo lakni lak ong•gipa bolsalrangko rim•a

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub